Bilboko Udal Txistulari Bandaren kontzertua Bidebarrieta liburutegian

Irailaren 11n Bilbon, Bilboko Udal Txistulari Bandak kontzertua emango du 19:00tan Bidebarrieta liburutegian

2004an Bilboko Udal Txistulari Banda berritu zenean kideei dagokionez, aurreneko kontzertua Bidebarrieta liburutegian eskaini zuten eta programa hauxe eskeini zuten. 17 urteren ostean berriro itzultzen dira hilean kontzertu bat eskaintzera eta programa berbera eskaintzea pentsatu dute. Banda tradizionalean eta errepertorio klasikoan oinarritutako doinu eta abestiek osatzen dute egitaraua: zortzikoak, minuetoak, konkurtsotarako idatzitako lanak, doinu eta bariazioak e.a. Egileei dagokionez, Jose Inazio Ansorena, Jesus Maria Bilbao Estefania, Luis Urteaga, Jose Olaizaola, Bruno Imaz eta Rodrigo A. de Santiago izango dira entzungai.

Egitaraua

• Erromatarrena J. I. Ansorena
• Aspaldiko Dantza Jesus Mª Bilbao Estefania
• Kaixo eta Txitxirio J. I. Ansorena
• Txango (suite en 3 tiempos) R. A. de Santiago
  • Zortzikoa
  • Minue de tamborileros
  • Marcha
• Mendian Bai Alai Jose Olaizola
  • Goizaldea
  • Otoitza
  • Artzai abestia
  • Mendiko jaia
• Gure abestiak Luis Urteaga
  • Andantino
  • Kontrapasa
  • Arin arina
    

• Gona gorri Bruno Imaz

 Parte hartzaileak

Bilboko Udal Txistulari Banda

Txistu lehena eta zuzendari Garikoitz Mendizabal

Txistu bigarrena Idoia Kareaga

Silbotea Gorka Zabaleta

Silbotea Sabin Bikandi

Perkusioa Asier García