Azken berriak
Bueltan da Txisturako Konposizio Lehiaketa
Euskal Herriko Txistulari Elkarteak Txisturako Konposizio Lehiaketaren edizio berria abiatu du. Txisturako zein haren instrumentu familiarentzako konposizio berriak sortu eta munduan txistua ezagutzera emateko helburua duen lehiaketan adin eta jatorri guztietako sortzaileek bidal dezakete proposamen bana.
Elkartearen mendeurrena gogoratzeko atorrak
Heldu den 2027an Euskal Herriko Txistulari Elkartea sortu zenetik ehun urte beteko direla eta, mendeurrena girotzeko atorrak jarri dira salgai. Uztailaren 30era arte luzatu da eskatzeko epea.
Oiartzungo Xanixtebanetako 47. Kontzertu Herrikoia
Lartaun Txistulari Taldetik mezua bidali dute abuztuaren 3an Xanixtebanetako txistu kontzertuan joko dituzten piezen partiturekin, entsegu egunekin eta bertan parte hartzera gonbidatuz.
Hondarribiko LVIII. Txistu Kontzertu Nagusia irailaren 1ean
Martxoan hondarribiarrek iragarri zuten data gerturatzen ari da eta txistulariak bertan parte hartzera gonbidatu dituzte. Izena emateko abuztuaren 20aren aurretik esatea komeni dela esan dute antolatzaileek.
SILBOTE aldizkariaren ale berria
Tuterako Txistulari Lehenengoak elkarteak urtero atera ohi duen aldizkaria kalean da.
Datozen ekitaldiak
MGT: Txistularien topaketa Tuterako festetan
Hamarretan Beterri elkartean topatuko dira txistulariak.
Xanixtebanetako 47. Kontzertu Herrikoia
Lartaun Txistulari Taldeak kontzertu herrikoia antolatu du Oiartzungo Xanixteban festetarako. Herriko hainbat talde eta abeslarirekin batera inguruko herrietatik etorritako txistulariak ariko dira kontzertuan.
Ama Zuriaren festetako XXVIII. Txistulari kontzertua
Gasteizko eta Euskal Herriko hainbat herritako 50 txistularik joko dute, Gasteizko Udal Folklore Akademiako musikariekin (trikitixa, alboka, txalaparta eta gaita), tronpeta, tronpa, tronboia, tuba, oboea, klarinetea, fagota, pianoa, baxu elektrikoa eta perkusioa dituen instrumentazioarekin. Bi bakarlari gonbidatu ere izango dituzte: Idoia Asurmendi (abeslaria) eta Aitor Furundarena (akordeoia).
Euskal Herriko Txistulari Elkartearen helburua, gure kulturaren osagai garrantzitsu den txistua zaindu eta garatzea da: txistuak gure herri kultura eta tradizioan duen egitekoa bultzatzea eta, aldi berean, musika tresna honen aukera musikal eta sozialak ahal den gehiena landu eta aberastea.
JASO GURE AZKEN BERRIAK
Hilabetean behin gure albisteen buletina jasoko duzu posta elektronikoz.