Kontzertua: Errenteriako Udal Txistulari Taldea

Errenteriako Udal Txistulari Taldea hamaika eta erdietatik aurrera herriko erdiguneko kaleak girotzen ariko da. Segidan, hamabietan Xabier Olaskoaga plazan Xenpelar Bertso Eskolako kideekin batera txistu-bertso emanaldia eskainiko du.

Kontzertua: Legazpiko Udazken kontzertua

Udazken kontzertua emango dute Latxartegi Aretoan Legazpi Musika Bandak eta Goiz Deia Txistulari taldeak. Kolaboratzaile berezia ere izango dute: Garikoitz Mendizabal txistularia.

Kontzertua: Bihodi

Peio Irigoien txistulariak eta Iñaki Arakistain organistak osatutako Bihodi bikoteak kontzertua emango du Etxalarko Andre Mari elizan.

Ama Zuriaren festetako XXVIII. Txistulari kontzertua

Gasteizko eta Euskal Herriko hainbat herritako 50 txistularik joko dute, Gasteizko Udal Folklore Akademiako musikariekin (trikitixa, alboka, txalaparta eta gaita), tronpeta, tronpa, tronboia, tuba, oboea, klarinetea, fagota, pianoa, baxu elektrikoa eta perkusioa dituen instrumentazioarekin. Bi bakarlari gonbidatu ere izango dituzte: Idoia Asurmendi (abeslaria) eta Aitor Furundarena (akordeoia).