Kontzertua: Ibaiak

Ibaiak da Iruñeko Txistularien 63. Alarderako hautatu duten proposamena. Aurreko urteetan bezala, Aitor Urquiza izango da ekitaldiko musika zuzendaria.

Interpretatu beharreko errepertorioak obra berriak izango ditu, honako hauek sortuak: Joaquín Lecumberri, Iñigo Casalí, Juan Cazcarra, Anne Pérez de Azpeitia, Xabier Zabala, Urtzi Iraizoz, Teresa Catalán eta José Ramón García.

Bakarne Atxukarro da testuaren eta gidoiaren egilea, Nafarroako Eska, Urederra, Ebro, Bidasoa, Irati, Arakil, Ega eta Arga ibaietan inspiratuta.

Nafarroako mapa bertikalean urratzen duten ibaiak, pasaeran historiaz betetako haranak sortuz.

Kultura ibaiadarretatik edaten duten ibaiak.

Mugak, sehaskak eta orbainak marrazten dituzten ibaiak.

Gure lurraren erraiak eta ertzak zulatzen dituzten ibaiak.