Aurten abuztuaren 20an izango da Tafallako txistularien alardea.
Entseguak Tafallako Kultur Etxean izango dira arratsaldeko 19:00etan uztailaren 28an, abuztuaren 2, 9 eta 11n Beñat Alkuazen zuzendaritzapean eta kontzertuko egunean Udaletxeko aretoan 9:30etan. Azken entsegu horren ondoren hamaiketakoa egingo da berrindartzeko Alkartetxe Elkartean (Merkatu plaza, 1, 1).
Kontzertua Foruen plazan izango da 13:00etan. Egitaraua hau izango da:
- Musika plazan Xabier Zabala
- Herri min Xabier Zabala
- Kadrila eta Mazurka
- Sugaar Ismael Yagüe
- Galtzaundi
- Gazteluko plaza Joaquín Lekunberri
- Elizaldetarren danbolina Mielotxin (PENDIENTE)
- Arrosako zolan
- Zurekin batera En Tol Sarmiento
- Negua joan da ta
- Oinez Tafalla (PENDIENTE)
- La Pilindros
- Gernikako Arbola
- Agur Jaunak
Partiturak hemen eskura ditzakezue. Fa tonuko txistuak eta Si b tonuko silboteak erabiliko dira eta jazkera horrelakoetan ohikoa den galtza edo soineko iluna eta alkondara zuria izango da.
Kontzertuaren ondoren, 14:30etan, bazkaria izango da Ereta Pasealekuan.
Parte hartu nahi duten musikariek, izena abuztuaren 6a baino lehen emanez, Andoni Cortijori idatzi behar diote acortijy@gmail.com helbidera datu hauek emanez:
- Izena eta abizenak
- Zein herritakoa den
- Telefonoa eta helbide elektronikoa, azken orduko aldaketarik balego nola abisatua izateko
- Ze soinu-tresnarekin parte hartuko duen (txistularien kasuan zehaztu ze ahotsetan ariko den: txistu 1, txistu 2, silbotea)
- Bazkaltzera geratuko den
- Eta berekin batera lagunen bat bazkaltzera geratuko balitz, zenbat heldu (bakoitzak 20 €) eta zenbat haur (doan).
