ELUR MALUTAK

Gabonak egun bereziak eta abegikorrak izaten dira. Urtero bezala, Bilboko Udaleko txistulariek, zenbait abesbatzaren laguntzarekin, urteko garai horretako doinu esanguratsuekin belarriak goxatuko dizkiete kontzertura gerturatzen direnei. Aukeratutako obren artean gaur egungo musikagileek Eguberrietarako sortutako lanak emango dituzte. Beste batzuk berriz, denek ezaguten ditugunak dira.

Kontzertuan parte hartuko duten taldeak Miren Bernaolak zuzentzen duen Ahotsak abesbatza eta Maite Olmosek zuzentzen duen Bilbao Musikako haur eta gazte abesbatzak izango dira. Bilbao Musikako txistu ikasleek ere parte hartuko dute. Horretaz guztiaz gain, abestiak Gabonetako giro egokiagoan kokatzeko, Oier Agirre eta Nerea Sanz aktoreen esketx eta aurkezpenak izango dira.

Zuzendaria: Gorka Zabaleta
Bilboko Udal Txistulari Banda
1. txistua: Gorka Zabaleta // 2. txistua: Idoia Kareaga
Silbotea: Peio Irigoien eta Sabin Bikandi
Atabala: Asier Garcia
Eta beste laguntzaile hauek: Ahotsak abesbatza (Zuzendaria, Miren Bernaola), Bilbao Musikako haur eta gazte abesbatza (Zuzendaria, Maite Olmos) eta Bilbao Musikako txistu ikasleak

EGITARAUA

Umetxoaren ametsak Scholom Secunda

Urrundik Juan Carlos Irizar

Dizdizka zeruan Eva Ugalde

Tambourin Johann Adolph Hasse

Dona nobis pacem Piret Rips

Haurtxoa sehaskan G. Olaizola

Mariaren semea Herri-musika karibearra

Goazen goazen Evaristo Ciría

Jubilate Deo Josu Elberdin

Edurre teilatuan Herri-musika

Olentzero Herri-musika