Iruñeko Txistularien 66. Alardea

Aurten 66. aldiz ospatuko da Txistularien Alardea Iruñean. Euskal Herriko makina bat herritatik etorritako txistulariek eguerdiko hamabietan Sarasate pasealekuan emango dute gogotsu prestatutako kontzertua.

Isidro Ansorenaren txisturako lanak izango dira egitarauaren ardatza, izan ere, aurten betetzen dira 50 urte hura hilik. Txistularien ondoan Atarrabiako abesbatza, Beltxaren taldea eta Noaingo Ardantzeta dantza taldea ariko dira Xabier Olazabalek zuzenduta.