Ama Zuriaren festetako XXVIII. Txistulari kontzertua

Programak hamaika obra ditu, horietatik hiru estreinaldiak dira eta gainerakoen moldaketak kontzertu honetarako bereziki egindakoak dira.

Gasteizko eta Euskal Herriko hainbat herritako 50 txistularik joko dute, Gasteizko Udal Folklore Akademiako musikariekin (trikitixa, alboka, txalaparta eta gaita), tronpeta, tronpa, tronboia, tuba, oboea, klarinetea, fagota, pianoa, baxu elektrikoa eta perkusioa dituen instrumentazioarekin. Bi bakarlari gonbidatu ere izango dituzte: Idoia Asurmendi (abeslaria) eta Aitor Furundarena (akordeoia).

Aurtengo edizioan Folklore Akademiako Dantza Taldeak eta Indarra Dantza Taldeak hainbat lanetan parte hartuko dute.

Zuzendaritza orokor eta musikalaz Roberto Álvarez Leza arduratuko da.