5. Gasteiz Talent

Carl Maria Von Weber, David Rivas, Henri Rabaud, Oscar Navarro, Thomas Asanger, Rossano Galante eta Pedro Iturraldek konposatutako 8 piezako programa eskainiko dute Gasteizko Udal Musika Bandak eta Jesus Guridi Kontserbatorioko ikasleek.

“Kontzertu honek Vitoria-Gasteizko Udal Musika Banda eta Kontserbatorioko ikasleak elkartuko ditu; hala, emanaldia eskaini eta musikarien belaunaldi berrien talentua erakusteko aukera izango dute. Izan ere, gazte horiek solista gisa jardungo dute, gure bandak babestuta, eta aukera paregabea da haientzat, hazkunde musikala eta pertsonala izateko”, ziurtatu du Sonia Díaz de Corcuera Kultura zinegotziak.

Iker Olazabalek zuzenduko du emanaldia, eta solista gazte horien bilakaeran parte hartu du: “Parte hartuko duten ikasleak saxofoiko, klarineteko, txistuko, oboeko eta biolineko erdi-mailako azken ikasmailetan daude. Horri esker, maila handiko errepertorioa lan daiteke, eta horrek benetako erronka bihurtu du programa hau. 20 urteko ibilbidea duen jarduera pedagogikoa da, eta antolaketa konplexua bada ere, oso pozgarria da, lehen entsegutik kontzertura arte gertatzen den bilakaera eta hobekuntza nabarmenari behatzeko eta horretan parte hartzeko aukera ematen baitu”.

Ibon Zamacola Jesus Guridi Musika Kontserbatorioko zuzendariordeak ere ekimenaren inguruko balorazio positiboa egin du: “Kontserbatorioak ilusioz egiten dio aurre talde profesional batekin batera parte hartzeko esperientziak gure ikasleei aurrean jarriko dien erronkari. Gure ustez, haien egunerokoa bizitzea, haien mailara egokitzea, osagarri positiboa da eta, aldi berean, gure ikasleen garapen musikal eta teknikoarekin lotuta lagungarria da”. Halaber, “giza osagaia eta Udal Bandako irakasleen harrera” ere nabarmendu nahi izan ditu. “Horrek guztiak laguntza handia ematen die gure ikasleei, eta taldearekiko integrazioa eta talde-lana bultzatzen ditu”.

EGITARAUA

Concertino in C for solo Oboe and Wind Chamber Carl Maria von Weber

Oboea: Aiala Duque

Blue Hole Thomas Asanger

Suite Sayaguesa. Movimientos 1. Alborada y 4. Romance David Rivas

Txistua: Saida Jambrina

Aurora Borealis Rossano Galante

Solo de Concours Henri Rabaud

Klarinetea: Xabier Sagastegui

Latent emotions Oscar Navarro

Biolin eta banda sinfonikorako

Tranquilidad, Calma, Paz, Bienestar (mov. II)

Biolina: Susana San José

Pequeña Czarda Pedro Iturralde

Saxofoia: June Iza