Mugarik Gabeko Txuntxuneroek urtarrilaren 18rako deitu duten topaketan parte hartu nahi duten txistulariek urtarrilaren 11a baino lehenago eman behar dute izena.
Izena emateko mezua Whatsappez bidaltzeko bi telefono zenbaki argitaratu dituzte: 630975470 (Vicuña) eta 647233604 (Maider).
Urtarrilaren 18an Andosillan izango den txistularien topaketa goizeko hamarretan udaletxean txistulariei egingo zaien harrerarekin hasiko da. Hamaiketan Zahar Etxera eta Zubira kalejira egingo dute. Hamabiak eta laurdenetan Udaletxe plazan hamaiketakoa egiteko geratuko dira. Ordubatetan dantzak joko dituzte. Bukatutakoan Vicuña oilotegira joango dira bazkaltzera.
FA tonuan afinatutako txistuak erabiliko dira aukeratutako doinuak jotzeko.
