Txistu Online: aurkezpena
txistuonline.eus web orria txistua eta danbolina jotzen ikasten hasteko ikus-entzunezko materialez osatuta dago.
Proiektua Musika Eskoletara, Lehen Hezkuntza eta Bigarren Hezkuntzara bideratuta dago; baita erabilera pertsonalera ere. Interaktiboak diren hogeita hamasei musika piezari (kantak, dantzak eta musika instrumentala) dagozkien bideoz osatuta dago: instrumentu guztiekin, lehen planoekin eta txistuak isiltzeko aukera nola abiadura moteltzeko/azkartzeko aukera ere dutenak.
Beste osagai batzuk ere aurki daitezke: tutoretza-bideoak, gida didaktikoa (10 unitate didaktiko), partiturak eta, pieza bakoitzari buruzko informazioa (jatorria, generoa eta beste ezaugarri hainbat), erreferentzia bibliografikoak, diskografia, interneterako loturak (bideoak eta audioak).
