Kontzertua: Iñaki Palacios

Azaroaren 9tik abenduaren 29ra arte Gasteizen ospatuko den Aitzina Folk jaialdiko kontzertuetako bat emango du Iñaki Palaciosek.

Txistuaren irudi berritua aurkezten du. Bere abestietan folk tematika bat aurkitzen dugu, genero honetako korronte berriei begira, orain arte gure herrian hain errotuta zegoen instrumentu honekin batera egon ez diren elementu eta erritmoak uztartzen ditu.

Bere zuzenekoetan hainbat instrumentu erabiltzen ditu (trikitixa, biolina, bateria, gitarra, banjoa, etab.) eta DAB dantza konpainiaren koreografien eskutik proiektuari beste dimentsio bat eman dio. ‘Argizaiola’ disko berria aurtengo udazkenean kaleratu du eta lan ausart eta berritzaile gisa aurkeztu du, beste artista batzuen artean, Kalakan eta Mikel Urdangarinen lankidetza azpimarratu du.