Kontzertua: Bilboko Udal Txistulari Banda

HAZIAK EROAN

Bilboko Txistulari Bandaren eta Oinkari dantza konpainiaren kontzertua. Doinu tradizionalekin indarrez eta alaitasunez beteriko dantzekin osatutako programa interpretatuko da. Egungo kutsu biziz bustitako gure tradiziora hurbiltzeko aukera paregabea da. Erritmo tradizionalek adin guztietako ikusleak alaitasunez eta jaiez betetako girora hurbilduko dituzte.

Azken hamarkadan aldaketa handiak jasan ditu Oinkarik bere baitan. Dantza tradizionalarekiko lotura galdu gabe, koreografia berrien munduan eman ditu hainbat pauso taldeak. Euskal dantzak oinarri hartuta, gaur egungo abesti berriak koreografiatu ditu Eneko Gil koreografo eta dantzari nabarmenaren laguntzarekin.

Ildo honetatik proiektu askotan parte hartu du Oinkarik. Adibidez: Infernuko Hauspoa, Urratsak, Korrontzi Dantzan, Aspaldikotik, Amantalen ahotsa, Sagartu, etab.

Azpimarratzekoa da, halaber, dramaturgiara egin duen jauzia; izan ere, gaur egun, Hika Teatroarekin elkarlanean, eta Agurtzane Intxaurragak gidatuta, taldeak GAZTE ikuskizun berria eskaintzen duen bigarren proiektu bat aurkeztu du.

EGITARAUA

Kontrapasa Raimundo Sarriegi

Gure abestiak Luis Urteaga

Erantzunik gabeko galderak Karlos Sanchez Ekiza

Rossinirena (Fandangoa) Ezezaguna / Mold.: J. I. Ansorena

Dantzarakoa (arin-arina) Jose Ignazio Ansorena

Suharrizkoa (balsa) Eusebio Basurko / Mold.: J. I. Ansorena

Katamotzarri (kontradantza) Isidro Ansorena / Mold.: J. I. Ansorena

Ez baita dantza Jagoba Astiazaran

Bedaio Herri-doinuak / Mold.: J. I. Ansorena

Argarate (fandangoa) Isidro Ansorena / Mold.: J. I. Ansorena

Txotxoloa (arin-arina) Ezezaguna / Mold.: J. I. Ansorena

PARTAIDEAK

Bilboko Udal Txistulari Banda

Lankidetza: Oinkari dantza taldea