Apirilaren 8rako hitzordua jarri dute Mugarik Gabeko Txuntxuneroak elkartekoek, Nafarroako Ablitas herrian elkartzeko deialdia eginez. Bertan, kalejira eta bazkaria antolatu dituzte Erriberako eta Ablitaseko txistu taldeekin elkarlanean.

Igandean, apirilak 8 dituenean, Ablitas (Nafarroa) herriko kultur etxean elkartzeko deia egin dute, 10:30etan talde argazkia eginez egunari hasiera emateko. Berotzeko biribilketa batzuk jo ostean, hamaiketakoa egingo dute. Jarraian, indar berrituta, txistu doinuak zabalduko dituzte kalez-kale. Kalejira herriko plazan bukatuko da. Bertan, Mendianike dantza taldeak Pliego dantza egingo du, gaita-joleen doinuan. Bukatzeko, bazkaria izango da. Bazkaltzeko aurrez izena eman beharra dago. Prezioari dagokionez, txistulariek 6 euroko ekarpena egin beharko dute, laguntzaileek berriz, 12 eurokoa.

Kontaktua.
Bestelako oharrak.
Eguneko partiturak.